بعد يوم من نهاية حدث الاكس بوكس، عرفنا معلومات كثيرة جداً عن جهاز مايكروسوفت
القادم، وراح نلخصها لك كلها في موضوع واحد بدال ما تبحث عنها مبعثرة في النت
أو في مواضيع مفرّقة.
الموضوع مقسّم إلى عدد من الاقسام يساعدك تتعرّف على معلومات الجهاز بشكل سهل
وسريع:
- الجهاز
- يد التحكّم
- الكنكت
- النظام
- خصائص الألعاب – كل الخصائص الجديدة اللي تدعم تجربتك في الألعاب
- الألعاب والحصريات (اللي نعرفها الى الآن)
- التلفزيون والبرامج
- أشياء مخيسة في الجهاز
بسم الله نبدأ!
فيديو ملخّص المؤتمر
الجهاز
مواصفات الجهاز
الجهاز يحتوي على:
- معالج بثمان أنوية.
- هارد دسك 500 جيجا بايت.
- ذاكرة داخلية 8 جيجا (الرام)
- مشغّل أقراض Blu-Ray “تلقيم”، ما عاد فيه شي يطلع زي أول.
- قطعة وايرلس 802.11n داخلية (في الاكس بوكس 360 كنت لازم تشتري قطعة اضافية عشان تستخدم الوايرلس)
المنافذ الخلفية
بالترتيب من اليسار لليمين (حسيتها صورة جماعية):
- منفذ الكهرباء
- HDMI Out
- منفذ S/PDIF للصوت
- HDMI In
- منفذين USB 3.0
- منفذ الكنكت (الكاميرا)
- منفذ IR Out، يفترض انه بيخليك تشبك شي يخليك تغيّر وتتحكّم بالقنوات.
- منفذ كيبل الشبكة.
موعد الاصدار والسعر
موعد الاصدار هو نهاية السنة، وما اعلنوا عن أي سعر، لكن فيه موقع حط طلب مسبق للجهاز وعرضه بسعر 2200 ريال.
يد التحكم
التعديلات اللي صارت في يد التحكّم:
- الأسهم صارت ضغطتها أفضل من أول. سابقاً كانت الضغطه ناعمة، الآن بيصير فيها “طقّة” أكثر اذا ضغطتها.
- عصيان التحكّم صارت أصغر بشوي، وبيصير تحريكها أسهل شوي، وصارت الآن ممكن تهتز بشكل مستقل عن اليد.
- الأزرار الأربعة الأمامية صارت ضغطتهم أريح من السابق.
- أزرار تحكّم جديدة (اللي بالنص) وهي Menu (مينيو – يمين) و View (فيو – يسار). الأول بيستعرض لك قائمة اللعبة، والثاني بيكون راجع للمطوّر كيف يستخدمه. ممكن مثلاً يعرض لك قائمة المتصدّرين (leader boards) في اللعبة.
- منفذ للبيانات.
أيضاً بطاريات اليد من ورا صارت أقل بثارة من السابق وما عاد هي بارزة زي يد
الاكس بوكس 360:
ولاحظ كيف غيّرت مايكروسوفت على ملمس عصيان التحكّم شوي عشان تتحكّم فيها بشكل
أفضل:
وبالمناسبة، يد تحكم الاكس بوكس 360 ما راح تشتغل على الجهاز.
الكنكت
المواصفات
- كاميرا عالية الجودة بدقّة 1080p
- مايكروفون.
- الكاميرا الآن بامكانها تتعرّف على أدق التفاصيل في حركتك، حتى أصابعك!
- مدى الرؤية صار أكبر (أفضل بـ40% حسب التقارير)، وصارت الكاميرا الآن تقدر تتعرّف على 6 أشخاص أمامها.
- الكاميرا مو بس تتعرف على اتجاه اعضائك بالاضافة الى حركتها (يعني تعرف اذا كنت واقف وكان كفك للأمام أو للخلف مثلاً).
- امكانية قياس نبضات القلب.
- الكنكت بيتعرّف على اللي ماسكين أيادي التحكّم، يعني بيقدر يحدّد اللاعب الأول واللاعب الثاني…الخ.
- الكاميرا تسمح لك توقف قريب منها، مو زي الكنكت القديم البثر اللي يتطّلب انك توقف بعيد عشان يشوفك زين.
- وعلى طاري تشوفك الزين، الكاميرا بتتعرف عليك حتى في الاضاءة الضعيفة.
وبالمناسبة، هذا ماهو اكسسوار اضافي، الكنكت بيجي مع كل جهاز اكس بوكس ون ينباع
في السوق.
النظام
هذا هو شكل نظام الاكس بوكس ون، اللي بيكون عبارة عن ثلاث انظمة في واحد: نظام
الاكس بوكس، ونظام “ويندوز” اللي بيدعم التطبيقات وتطبيقات الويب، ونظام ثالث
يضبّط هالنظامين مع بعض بحيث تقدر تتنقّل بينهم بشكل سريع.
طبعاً النظام بتقدر تتحكّم فيه بالكامل عن طريق الأوامر الصوتيه وحركات اليد
بفضل الكنكت.
خاصية سناب (Snap)
الخاصية الرهيبة هذي تسمح لك تشغل تطبيق على جنب وانت تستخدم تطبيق ثاني. مثلاً
يمديك تستقبل مكالمة سكايب على جنب وانت جالس تلعب. (احس حاطين صورة بنت عشان
تصير أكثر واقعية، لأن لو خويك دق عليك بوسط اللعب مافيه أمل ترد عليه)
وبالمناسبة، النظام بيدعم مكالمات الفيديو الجماعية في سكايب.
تحويل فوري بين التطبيقات
الاكس بوكس ون بيسمح لك بشكل لحظي بين لعبة تلعبها، وفلم تتفرجه، والتلفزيون
مثلاً. التحويل بين التطبيقات بيصير كانك تغيّر قناة في التلفزيون.
خصائص الألعاب
تسجيل اللعب والمشاركة
مثل ما كان متوقّع، بامكانك تسجّل لعبك وتشاركه مع اخوياك من الجهاز مباشره
بدون ما تحتاج قطعه خارجيه للتسجيل.
الألعاب لازم تتثبّت في جهازك أول
قبل ما تلعب أي لعبة لازم تثبتها في جهازك أول، هالشي ما عاد هو اختياري. لكن
الحلو في الموضوع أنه ما عاد تحتاج الديسك حق اللعبة عشان تلعبها بعد ما
تثبتها! خايف ان هالشي يعطلك؟ لا تخاف، تقدر تلعب اللعبة خلال تثبيتها في
الجهاز.
تطويرات على الانجازات (Achievements) واضافة التحدّيات (Challenges)
الآن بيصير عند المطوّرين امكانية تعديل وتحديث الانجازات حتى بعد اصدار
اللعبة. وبامكانهم يخلون بعض الانجازات مرتبطة بانجازات فكها اللاعب في الاكس
بوكس 360.
بالاضافة للانجازات، فيه “التحديات” اللي ممكن ينزلها المطور بشكل مستمر
للاعبين بحيث يستمتعون بشكل دائم في اللعبة.
تقدر تضيف 1000 صديق!
بدال حد 100 صديق اللي كان في الاكس بوكس 360. نشك انه عندك هالعدد من
الاصدقاء، بس عاد كثر خيرهم ما قصروا. هذا زي اللي تقول له عطني كاس عشان أصب
مويه، يقوم يعطيك خمس كيسان. كيوت، بس غالباً ما راح تستفيد منها.
تصميم علبة الألعاب
حسب موقع Battlefield 4 الرسمي على الأقل.
الألعاب والحصريات
قائمة الألعاب اللي تم تأكيدها الى وقت كتابة هالموضوع:
- Battlefield 4
- Fifa 14
- Call of Duty: Ghosts (عرض اللعبة)
- Need for Speed
- Theif
- Watch Dogs
- Assassin’s Creed 4: Black Flag
قائمة الحصريات اللي تم تأكيدها وقت كتابة هالموضوع:
- Forza 5 (عرض اللعبة)
- Quantum Break (عرض اللعبة)
- محتوى حصري في طور التميت تيم (Ultimate Team) في Fifa 14
- حصرية مؤقته لإضافات Call of Duty: Ghosts، بحيث تنزل أول على الاكس بوكس قبل أي جهاز ثاني.
وحسب تأكيد مايكروسوفت في المؤتمر، عندهم 15 لعبة حصرية بتنزل في أول سنة
للجهاز في السوق، 8 منهم أشياء جديدة.
التلفزيون والبرامج
حسب كلام مايكروسوفت، خصائص التلفزيون بتكون متوفرة أول في شمال أمريكا، وبعدها
بتتوفر في مناطق ثانية. شخصياً استبعد تكون منطقتنا منها. اييييه بس. الصورة
عموماً توضّح دليل التلفزيون اللي في الجهاز، وفيها اقسام تتابع عن طريقها
برامجك المفضلة، و تشوف وش اللي يتابعونه اكثر الناس واخوياك.
مسلسل هيلو (Halo)
كنا متحمسين نشوف لعبة Halo جديدة، لكن للأسف طلع مافيه غير مسلسل بيسوونه
ستديو 343 Industries (المطوّر) بالتعاون مع المخرج الشهير عبدالخالق الغانم.
امزح، مع المخرج ستيفن سبيلبرق.
الحقوق حصرية لموقع سعودي جيمز للاعب
راي الشخصي للجهاز 8.9 من 10
لكن مهما حصل أحب الجهاز واسمية الجهازي العائلي لكثرة ألعابه المتميزة
بالحركة
صحيح اللعبة قديمة لكن أمي أخواتي حتي عمي لعب معانا وكان من المعارضن
للأجهزة أعجب باللعبة وقام بشراء الجهاز